محەممەد ناجى محەممەد، سەرۆکى مەکتەبى سیاسیی ڕێکخراوى بەدر لە ڕاگەیێنراوێکدا ئاماژەى بەوەکردووە، عێراق لە چەقى هاوکێشەیەکى ئاڵۆزى هەرێمى و نێودەوڵەتیدایە، بڕوایان وایە هەندێک ئەرکیان هەیە نابێت سازشیان لەسەر بکەن، وەک پاراستنى عێراق بەهەموو بوونییەوە و پاراستنى قوڵایی ستراتیجى ئاسایشى نیشتمانى عێراق.

زانیارییەک گەیشتووە بە کەناڵ8، سکۆت بێسێنت، لە چاوپێکەوتنێکدا لەگەڵ تۆڕی نیوزماکسی ئەمریکی ڕایگەیاندووە "چاوەڕێی ڕاگەیەندراوی زیاتر بن لە هەفتەی داهاتوودا، چونكە کۆمەڵێک ڕێوشوێنی تایبەت لە بواری گەمارۆی ئابووریدا دەگرینەبەر کە تاوەکو ئێستا لە مێژوودا بۆ هیچ وڵاتێک نەبوون".

وۆڵ ستریت جۆرناڵ، ئاماژەی بەوەکردووە، کەشتیی لینکۆڵن زیاتر لە 250 ڕۆژی لە ناوچەکە بەسەربردووە، نزیکەی200  ڕۆژ لەسەریەک لە دەریادا بووە، بەبێ ئەوەی لە هیچ بەندەرێک لەنگەر بگرێت، ئەمەش لە کاتێکدایە بەشێک لە ئەندامانی کۆنگریسی ئەمریکا نیگەرانییان لە ماندوێتیی تیمی دەریاوان و بارودۆخی سەختی ژیان لەناو کەشتییەکەدا دەربڕیوە.